நீங்கள் தேடியது "கபினி அணை"

சென்னை:

கர்நாடகாவில் உள்ள நீர்பிடிப்பு பகுதிகளில் கன மழை பெய்ததால் அங்குள்ள கபினி, கிருஷ்ணராஜசாகர் அணைகள் நிரம்பின. அந்த அணைகளில் இருந்து காவிரியில் நீர் திறந்துவிடப்பட்டது. 2 லட்சம் கன அடி வரை தண்ணீர் திறந்ததால் காவிரியில் வெள்ளம் கரைபுரண்டு ஓடியது.

இதையடுத்து மேட்டூர் அணை நிரம்பியதால் கடந்த ஜூலை 22-ந்தேதி பாசனத்துக்காக தண்ணீர் திறந்துவிடப்பட்டது. அதன் பின்னும் மேட்டூர் அணை 3 முறை நிரம்பியதால் தண்ணீர் தொடர்ந்து திறந்துவிடப்படுகிறது.

காவிரி டெல்டா மாவட்டங்களுக்கு தண்ணீர் திறந்து விடப்பட்டதால் விவசாயிகள் நெல் சாகுபடியில் மும்முரமாக இறங்கினர்.



நடப்பாண்டில் மழை மற்றும் காவிரி நீரால் இதுவரை தமிழ்நாட்டில் 5.432 லட்சம் ஹெக்டேரில் நெல் சாகுபடி செய்யப்பட்டுள்ளது. இது கடந்த ஆண்டைவிட இரு மடங்கு உயர்வாகும். கடந்த ஆண்டு 2.895 லட்சம் ஹெக்டேரில் நெல் சாகுபடி செய்யப்பட்டு இருந்தது.

நடப்பாண்டில் செப்டம்பர் 24-ந்தேதி வரை 5.432 லட்சம் ஹெக்டேரில் நெல் சாகுபடி செய்யப்பட்டு இருக்கிறது. கடந்த ஆண்டு 2.895 லட்சம் ஹெக்டேரில் சாகுபடி செய்யப்பட்டது. மேலும் நெல் சாகுபடி அதிகரிக்கும் என்று நம்புகிறோம் என்றார்.

டெல்டா மாவட்டங்களில் அதிகபட்சமாக திருவாரூரில் 1.70 லட்சம் ஹெக்டேரில் சாகுபடி செய்யப்பட்டுள்ளது. நாகையில் 81 ஆயிரம் ஹெக்டேர், தஞ்சாவூரில் 55 ஆயிரம் ஹெக்டேரில் சாகுபடி நடந்து வருகிறது. பெரும்பாலான பாசன நிலங்கள் காவிரி நீரால் பயன் அடைந்துள்ளன.

இதே போல் பலத்த மழையால் ஈரோடு, கோவை, கரூர், ராமநாதபுரம் மாவட்டங்களில் விவசாயம் நடந்து வருகிறது. இந்த மாவட்டங்களில் கடந்த ஆண்டு விவசாயம் முற்றிலும் நடைபெறவில்லை.

மண்டியா:


நேற்று காலை நிலவரப்படி 124.80 அடி கொள்ளளவு கொண்ட கே.ஆர்.எஸ். அணையின் நீர்மட்டம் 122.89 அடியாக இருந்தது. அணைக்கு வினாடிக்கு 8,135 கனஅடி வீதம் தண்ணீர் வந்து கொண்டிருந்தது. அதே வேளையில் அணையில் இருந்து வினாடிக்கு 5,009 கனஅடி வீதம் நீர் திறந்துவிடப்பட்டது.

அதுபோல் கடல் மட்டத்தில் இருந்து 2,284 அடி கொள்ளளவு கொண்ட கபினி அணையின் நீர்மட்டம் 2,283.17 அடியாக இருந்தது. அணைக்கு வினாடிக்கு 18,541 கனஅடி வீதம் நீர்வரத்து இருந்தது. அந்த சமயத்தில் அணையில் இருந்து வினாடிக்கு 16,200 கனஅடி வீதம் தண்ணீர் வெளியேற்றப்பட்டது. இதனால் இரு அணைகளில் இருந்தும் தமிழகத்திற்கு வினாடிக்கு 21,209 கனஅடி வீதம் தண்ணீர் செல்கிறது. நேற்று முன்தினம் இரு அணைகளில் இருந்தும் வினாடிக்கு 25,595 கனஅடி வீதம் தண்ணீர் தமிழகத்திற்கு காவிரியில் திறந்துவிடப்பட்டது என்பது குறிப்பிடத்தக்கது.  #Cauvery #KRS #KabiniDam

மைசூரு:

கர்நாடகத்தில் தென்மேற்கு பருவமழை தீவிரமடைந்துள்ளது. அதுபோல் காவிரி நீர்ப்பிடிப்பு பகுதிகளில் கடந்த ஒரு மாதத்திற்கும் மேலாக நல்ல மழை பெய்து வருகிறது. இதனால் மண்டியாவில் உள்ள கே.ஆர்.எஸ். (கிருஷ்ணராஜசாகர்), மைசூருவில் உள்ள கபினி அணைகளுக்கு நீர்வரத்து படிப்படியாக அதிகரித்தது. இதன் காரணமாக இரு அணைகளும் கடந்த 19-ந்தேதி இரவு முழுகொள்ளளவை எட்டின. இதைதொடர்ந்து இரு அணைகளில் இருந்தும் வினாடிக்கு ஒரு லட்சம் கனஅடிக்கு மேல் தமிழகத்திற்கு தண்ணீர் திறந்துவிடப்பட்டது.


இந்த நிலையில் நேற்று காலை நிலவரப்படி கே.ஆர்.எஸ். அணையின் (முழுகொள்ளளவு-124.80 அடி) நீர்மட்டம் 123.33 அடியை எட்டியது. அணைக்கு வினாடிக்கு 49,893 கனஅடி வீதம் தண்ணீர் வந்தது. அணையில் இருந்து வினாடிக்கு 42,524 கனஅடி வீதம் நீர் திறந்துவிடப்பட்டது.

அதுபோல் கடல் மட்டத்தில் இருந்து 2,284 அடி கொள்ளளவு கொண்ட கபினி அணையின் நீர்மட்டம் நேற்று 2,282.87 அடியாக இருந்தது. அணைக்கு வினாடிக்கு 28,022 கனஅடி வீதம் நீர்வரத்து இருந்தது. அதேவேளையில் அணையில் இருந்து வினாடிக்கு 27,033 கனஅடி வீதம் தண்ணீர் திறந்துவிடப்பட்டுள்ளது. இதனால் இரு அணைகளில் இருந்தும் நேற்று தமிழகத்திற்கு காவிரியில் வினாடிக்கு 69,557 கனஅடி நீர் திறந்துவிடப்பட்டுள்ளது. நேற்று முன்தினம் இரு அணைகளில் இருந்தும் தமிழகத்திற்கு திறந்துவிடப்படும் நீரின் அளவு வினாடிக்கு 68,277 கனஅடியாக இருந்தது குறிப்பிடத்தக்கது.  #KRSDam #KabiniDam #Cauvery

மேட்டூர்:

கர்நாடக மாநிலத்தில் காவிரி நீர்ப்பிடிப்பு பகுதிகளிலும், கேரள மாநிலம் வயநாடு பகுதிகளிலும் கடந்த 10 நாட்களாக பலத்த மழை கொட்டி வருகிறது.

இதன் காரணமாக கர்நாடகத்தில் உள்ள கபினி மற்றும் கிருஷ்ணராஜசாகர் அணைகள் நிரம்பி வழிகின்றன. அணைக்கு நீர்வரத்து அதிகமாக உள்ளதால் பாதுகாப்பு கருதி இந்த 2 அணைகளில் இருந்தும் நேற்று 1 லட்சத்து 13 ஆயிரத்து 212 கன அடி தண்ணீர் காவிரி ஆற்றில் திறந்துவிடப்பட்டது. இந்த தண்ணீர் தமிழகத்தை நோக்கி காவிரி ஆற்றில் சீறிப்பாய்ந்து வந்தவண்ணம் உள்ளது.

84 அடி உச்சநீர்மட்டம் கொண்ட கபினி அணையின் நீர்மட்டம் இன்று காலை 82 அடியாக இருந்தது. அணைக்கு நீர்வரத்து 38 ஆயிரத்து 289 கன அடியாக இருந்த நிலையில் அணையில் இருந்து காவிரி ஆற்றில் தமிழகத்திற்கு 35 ஆயிரம் கன அடி தண்ணீர் திறந்துவிடப்பட்டுள்ளது.

இதேபோல 124.8 அடி உச்ச நீர்மட்டம் கொண்ட கிருஷ்ணராஜசாகர் அணையின் நீர்மட்டம் இன்று காலை 122.4 அடியாக இருந்தது. அணைக்கு நீர்வரத்து 71 ஆயிரத்து 964 கன அடியாக இருந்த நிலையில் அணையில் இருந்து தமிழகத்திற்கு காவிரி ஆற்றில் 81 ஆயிரத்து 841 கன அடி தண்ணீர் திறந்து விடப்பட்டுள்ளது.

இதனால் 2 அணைகளில் இருந்தும் திறந்து விடப்பட்ட 1 லட்சத்து 16 ஆயிரத்து 841 கன அடி தண்ணீர் தமிழகத் திற்கு சீறிப்பாய்ந்து வருவதால் காவிரி ஆற்றில் வெள்ளப் பெருக்கு ஏற்பட்டுள்ளது.

கடந்த 3 நாட்களுக்கு முன்பு 50 ஆயிரம் கன அடியாக இருந்த நீர்வரத்து தற்போது 2 மடங்கைவிட அதிகரித்ததால் காவிரி ஆற்றில் கடுமையான வெள்ளப்பெருக்கு ஏற்பட்டுள்ளது. காவிரி கரையின் இருபுறங்களையும் தொட்டபடி தண்ணீர் பாய்ந்தோடி வருகிறது.

ஒகேனக்கல் காவிரி ஆற்றில் நேற்று 1 லட்சத்து 10 ஆயிரம் கன அடி தண்ணீர் வந்தது. இன்று காலை 1 லட்சம் கன அடி தண்ணீர் வந்து கொண்டிருக்கிறது.

இதனால் கடந்த பல மாதங்களாக வறண்டுபோய் வெறும் பாறைகளாக காட்சி அளித்த ஒகேனக்கல் மெயின் அருவி, ஐந்தருவி, சினிபால்ஸ் அருவிகளில் புதுவெள்ளம் செந்நிறத்தில் பாறைகளை மூழ்கடித்து செல்கிறது.

மெயின் அருவிக்கு செல்லும் நடைபாதை தெரியாத அளவிற்கு தண்ணீர் பாய்ந்து வருகிறது. தினமும் நீர்வரத்து அதிகரித்த வண்ணம் உள்ளதால் அருவிகளில் குளிக்கவும், பரிசல் சவாரி செய்வதற்கும் 9-வது நாளாக இன்றும் தடை விதிக்கப்பட்டுள்ளது.

காவிரியில் வெள்ளப்பெருக்கு ஏற்பட்டுள்ளதால் ஒகேனக்கல்லில் இருந்து மேட்டூர் வரை காவிரி கரையோரம் உள்ள மக்கள் வெளியேற்றப்பட்டு வருகின்றனர். ஆலம்பாடி, ஊட்டமலை, ஒகேனக்கல் சத்திரம், மாறுகொட்டாய், ஆத்தூர், நாகமறை, நெருப்பூர், பண்ணவாடி ஆகிய கிராமங்களில் உள்ள மக்கள் பாதுகாப்பான இடங்களில் தங்க வைக்கப்பட்டுள்ளனர். தண்டோரா மூலமும் தொடர்ந்துபொதுமக்களுக்கு எச்சரிக்கை விடுக்கப்பட்டு வருகின்றன.

ஒகேனக்கல் அருவி பக்கம் யாரும் செல்லாமல் இருக்கும் வகையில் தீயணைப்பு துறையினரும் வருவாய்த்துறையினரும் தீவிர ரோந்து பணியில் ஈடுபட்டு வருகின்றனர். காவிரி ஆற்றில் வரும் நீர்வரத்தை ஒகேனக்கல் பிலிகுண்டுலுவில் நீர்ப் பாசனத்துறை அதிகாரிகள் 24 மணி நேரமும் கண்காணித்து வருகின்றனர்.

கர்நாடக அணைகளில் இருந்து திறந்துவிடப்பட்ட தண்ணீர் ஒகேனக்கல் வழியாக நேராக மேட்டூர் அணைக்கு வந்தவண்ணம் உள்ளது. நீர்வரத்து அதிகமாக உள்ளதால் நீர்மட்டம் வேகமாக உயர்ந்து வருகிறது

நேற்று காலை 87.92 அடியாக இருந்த மேட்டூர் அணை நீர்மட்டம் இன்று காலை 95.73 அடியாக உயர்ந்தது. பிற்பகலில் 96 அடியை தாண்டியது. இதனால் ஒரே நாளில் அணையின் நீர்மட்டம் 8 அடி உயர்ந்துள்ளது குறிப்பிடத்தக்கது.

மேட்டூர் அணைக்கு நேற்று 1 லட்சம் கன அடியாக இருந்த நீர்வரத்து இன்று காலை மேலும் அதிகரித்து 1 லட்சத்து 7 ஆயிரத்து 64 கன அடியாக இருந்தது. அணையில் இருந்து குடிநீர் தேவைக்காக 1000 கன அடி தண்ணீர் திறந்துவிடப்படுகிறது. நீர் திறப்பைவிட தண்ணீர் வரத்து 100 மடங்கு அதிகமாக உள்ளதால் அணையின் நீர்மட்டம் நாளை 100 அடியை எட்டும் என்று எதிர் பார்க்கப்படுகிறது.

கர்நாடக மாநிலத்தில் தொடர்ந்து மழை நீடித்து வருவதால் வரும் நாட்களில் மேட்டூர் அணைக்கு நீர்வரத்து மேலும் அதிகரிப்பதற்கான வாய்ப்புகள் உள்ளன. இதனால் இந்த ஆண்டு மேட்டூர் அணை நிரம்பும் என்ற எதிர்பார்ப்பு விவசாயிகள் மத்தியில் ஏற்பட்டுள்ளது.

மேட்டூர் அணையில் இருந்து நாளை மறுநாள் 19-ந் தேதி (வியாழக்கிழமை) டெல்டா பாசனத்திற்காக தண்ணீர் திறக்கப்படுகிறது. முதல்-அமைச்சர் எடப்பாடி பழனிசாமி கலந்து கொண்டு பாசனத்திற்காக தண்ணீரை திறந்துவிடுகிறார். இதில் அமைச்சர்கள். எம்.பி.க்கள், எம்.எல்.ஏ.க்கள், அதிகாரிகள் கலந்து கொள்கிறார்கள்.

மேட்டூர் அணை பாசனம் மூலம் சேலம், நாமக்கல் ஈரோடு, திருச்சி, தஞ்சாவூர், திருவாரூர், கரூர், நாகப்பட்டினம், புதுக்கோட்டை, பெரம்பலூர், அரியலூர் ஆகிய காவிரி டெல்டா மாவட்ட பகுதிகளில் உள்ள 16.05 லட்சம் ஏக்கர் நிலம் பாசன வசதி பெறுகிறது.

ஒவ்வொரு ஆண்டும் ஜூன் மாதம் 12-ந் தேதி காவிரி டெல்டா பாசனத்திற்காக தண்ணீர் திறக்கப்படுவது வழக்கம். ஆனால் கடந்த சில ஆண்டுகளாக பருவ மழை தவறியதாலும், மேட்டூர் அணையில் போதுமான அளவு தண்ணீர் இல்லாததாலும் குறித்த காலத்தில் தண்ணீர் திறக்க முடியாமல் போனது.

கடந்த ஆண்டு தாமதமாக அக்டோபர் மாதம் 2-ந் தேதி தான் தண்ணீர் திறந்துவிடப்பட்டது. ஆனால் முழுமையாக தண்ணீர் திறக்கமுடியாத சூழ்நிலை ஏற்பட்டது. இதனால் கடந்த 7 ஆண்டுகளாக டெல்டா மாவட்டங்களில் சாகுபடி வெகுவாக பாதிக்கப்பட்டு விவசாயிகள் கவலையில் ஆழ்ந்தனர்.

மேட்டூர் அணை வரலாற்றில் குறிப்பிட்ட நாட்களில் தண்ணீர் திறந்தது 15 ஆண்டுகள் மட்டும் தான். ஆனால் அணையின் நீர் இருப்பும், வரத்தும் திருப்திகரமாக இருந்ததால் விவசாயிகளின் வேண்டுகோளை ஏற்று 11 ஆண்டுகள் ஜூன் மாதம் 12-ந் தேதிக்கு முன்பாகவே தண்ணீர் திறக்கப்பட்டது. மற்ற ஆண்டுகள் மேட்டூர் அணையின் நீர் இருப்பு திருப்திகரமாக இல்லாத காரணத்தால் ஜூன் 12-ந் தேதிக்கு பிறகே தண்ணீர் திறக்கப்பட்டு வருகிறது.

இந்த ஆண்டு விவசாயிகள் மனதில் பால் வார்க்கும் விதமாக கர்நாடகத்தில் பெய்த தொடர் மழையால் பாசனத்திற்கு தேவையான தண்ணீரை மேட்டூர் அணை பெற்றுள்ளது. இதனால் இந்த ஆண்டு அகண்ட காவிரியில் தண்ணீர் பெருக்கெடுத்து ஓடி டெல்டா விவசாயம் செழிக்கும் என்ற நம்பிக்கை ஏற்பட்டுள்ளது.

இதற்கிடையே குறுவை சாகுபடிக்கான காலம் முடிவடைந்த நிலையில் ஆகஸ்டு 15-ந் தேதிக்கு பின்பே சம்பா சாகுபடிக்கான ஆயத்த பணிகளை தொடங்க முடியும். தற்போது திறக்கும் நீர் குறுவை, சம்பா சாகுபடிக்கு பயன்படாது. அந்த நீரை டெல்டா மாவட்டங்களில் ஏரி, குளங்களில் நிரப்பினால் நிலத்தடி நீர்மட்டம் உயரும். சம்பா சாகுபடிக்கும் உதவியாக இருக்கும். ஆனால் நடப்பாண்டு தற்போது தான் டெல்டா மாவட்டங்களில் ஆறுகள், கிளை ஆறுகள், வாய்க்கால்களில் தாமதமாக தூர்வாரும் பணி தொடங்கி உள்ளதல் மேட்டூர் அணையில் இருந்து 19-ந் தேதி திறக்கப்படும் தண்ணீர் விவசாயத்திற்கு பயன்படாதது மட்டுமின்றி ஏரி, குளங்களிலும் நிரப்ப முடியாத நிலை ஏற்பட்டுள்ளதாக விவசாயிகள் குற்றம் சாட்டி உள்ளனர்.

சேலம்:

கர்நாடகத்தில் பருவமழை தீவிரமடைந்துள்ளது.

இதனால் கர்நாடகத்தில் உள்ள அனைத்து மாவட்டங்களிலும் கனமழை பெய்து வருகிறது. தொடர் கனமழை காரணமாக ஆறுகளில் கடுமையான வெள்ளப்பெருக்கு ஏற்பட்டுள்ளது.

கர்நாடகத்தில் உள்ள முக்கிய அணைகளாக கருதப்படும் கே.ஆர்.எஸ்.(கிருஷ்ணராஜ சாகர்), கபினி, ஹாரங்கி, ஹேமாவதி, பத்ரா, துங்கபத்ரா, மல்லபிரபா உள்ளிட்ட அணைகள் வேகமாக நிரம்பி வருகின்றன. இதில் கபினி அணை தனது முழு கொள்ளளவை எட்டிவிட்டது.

மண்டியா மாவட்டம் ஸ்ரீரங்கப்பட்டணாவில் காவிரியின் குறுக்கே அமைந்துள்ள கே.ஆர்.எஸ். அணையின் நீர்ப்பிடிப்பு பகுதிகளாக குடகு மாவட்டம், கேரள மாநிலத்திற்கு உட்பட்ட வயநாடு பகுதிகள் விளங்கி வருகின்றன. அப்பகுதிகளில் இவ்வாண்டு தென்மேற்கு பருவமழை வெளுத்து வாங்கி வருகிறது. இதனால் காவிரியில் கடுமையான வெள்ளப்பெருக்கு ஏற்பட்டு, கே.ஆர்.எஸ். அணைக்கு நீர்வரத்து அதிகரித்தது.

நேற்றைய நிலவரப்படி கே.ஆர்.எஸ். அணைக்கு வினாடிக்கு 35 ஆயிரத்து 698 கன அடி வீதம் தண்ணீர் வந்து கொண்டிருந்தது. இதனால் கே.ஆர்.எஸ். அணையின் நீர்மட்டம் கிடுகிடுவென உயர்ந்து வருகிறது.

நேற்றைய நிலவரப்படி கே.ஆர்.எஸ். 115.20 அடியை எட்டி இருந்தது. அணையின் மொத்த நீர்மட்ட கொள்ளளவு 124.80 அடி ஆகும். அணைக்கு தொடர்ந்து நீர்வரத்து அதிகமாக உள்ளதால் விரைவில் நிரம்பிவிடும் தருவாயில் உள்ளது. அணையில் இருந்து தமிழகத்திற்கு வினாடிக்கு 3,657 கன அடி வீதம் தண்ணீர் திறந்து விடப்பட்டுள்ளது.

ஏறக்குறைய முழு கொள்ளளவை எட்டிவிட்ட கபினி அணையின் நீர்மட்டம் தற்போது 2,282.22 அடியாக (கடல் மட்டத்தில் இருந்து) உள்ளது. கபினி அணையின் மொத்த நீர்மட்டம் 2,284.00 அடி ஆகும். இந்த அணை மைசூரு மாவட்டம் நஞ்சன்கூடுவில் கபிலா ஆற்றின் குறுக்கே அமைந்திருக்கிறது.

நேற்றைய நிலவரப்படி கபினி அணைக்கு வினாடிக்கு 40 ஆயிரத்து 363 கன அடி தண்ணீர் வந்து கொண்டிருந்தது. அணையில் இருந்து தமிழகத்திற்கு வினாடிக்கு 39 ஆயிரத்து 667 கன அடி தண்ணீர் திறந்து விடப்பட்டது. பின்னர் மதியம் 4 மணிக்கு மேல் அணையில் இருந்து தண்ணீர் திறப்பு அதிகரிக்கப்பட்டது. இதனால் வினாடிக்கு அணையில் இருந்து 50 ஆயிரம் கன அடி வீதம் தண்ணீர் திறந்து விடப்பட்டது.

கபினி மற்றும் கே.ஆர்.எஸ். ஆகிய இவ்விரு அணைகளில் இருந்து தமிழகத்திற்கு மொத்தம் வினாடிக்கு 53 ஆயிரத்து 657 கன அடி வீதம் தண்ணீர் திறந்து விடப்பட்டு உள்ளது.

காவிரி ஆற்றில் தண்ணீர் வரத்தை பிலிகுண்டுலு பகுதியில் மத்திய நீர்வளத்துறை அதிகாரிகள் தொடர்ந்து கண்காணித்து வருகிறார்கள்.

காவிரி ஆற்றில் கூடுதல் தண்ணீர் வருவதால் ஒகேனக்கல் அருவிகளில் நேற்று 2-வது நாளாக வெள்ளப்பெருக்கு தொடர்ந்தது. காவிரி ஆற்றில் புதுவெள்ளம் கரைபுரண்டு ஓடியது. அருவிகளில் தண்ணீர் ஆர்ப்பரித்து கொட்டியது. இதன் காரணமாக தர்மபுரி மாவட்ட நிர்வாகம் பரிசல்களை இயக்கவும், அருவிகளில் குளிக்கவும் விதித்துள்ள தடை நேற்றும் நீடித்தது.

கபினி, கிருஷ்ணராஜசாகர் (கே.ஆர்.எஸ்) அணைகளில் இருந்து வெளியேற்றப்படும் உபரிநீரின் அளவு தற்போது வினாடிக்கு 53,657 கனஅடியாக உயர்ந்து இருப்பதால் இன்று (வியாழக்கிழமை) ஒகேனக்கல் காவிரி ஆற்றில் நீர்வரத்து மேலும் அதிகரிக்கலாம் என்று எதிர்பார்க்கப்படுகிறது.

இதனால் ஒகேனக்கல்லில் காவிரி ஆற்றின் கரையோர பகுதிகளில் போலீசார், தீயணைப்பு படையினர் மற்றும் வருவாய்த்துறை அதிகாரிகள் தொடர்ந்து தீவிர கண்காணிப்பு பணியில் ஈடுபடுத்தப்பட்டு உள்ளனர்.

ஒகேனக்கல் சுற்றுவட்டார பகுதிகளில் குறிப்பாக ஒகேனக்கல்லில் இருந்து மேட்டூர் வரை சுமார் 75 கிலோமீட்டர் தூர காவிரி ஆற்றின் கரையோர பகுதிகளில் வசிக்கும் மக்களுக்கு வெள்ள அபாய எச்சரிக்கை விடுக்கப்பட்டுள்ளது. பொதுமக்கள் மற்றும் சுற்றுலா பயணிகள் காவிரி ஆற்றின் கரையோர பகுதிகளில் குளித்தல், துணிதுவைத்தல் உள்ளிட்ட செயல்களை தவிர்க்க வேண்டும். காவிரி ஆற்றின் கரையோரங்களில் வசிக்கும் மக்கள் ஆற்றங்கரையோர பகுதிகளுக்கு செல்லாமல் பாதுகாப்பாக இருக்க வேண்டும், என்று சேலம், தர்மபுரி மாவட்ட நிர்வாகத்தின் சார்பில் எச்சரிக்கை விடுக்கப்பட்டுள்ளது.

கடந்த 9-ந்தேதி மேட்டூர் அணைக்கு வினாடிக்கு 1,533 கனஅடி வீதம் வந்து கொண்டிருந்த நீர்வரத்தானது படிப்படியாக அதிகரித்து நேற்று காலை அணைக்கு வினாடிக்கு 32,284 கனஅடியாக அதிகரித்து உள்ளது.

இதன் எதிரொலியாக மேட்டூர் அணையின் நீர்மட்டமும் மளமளவென உயர்ந்து வருகிறது. கடந்த 9-ந் தேதி 63.72 அடியாக இருந்த அணையின் நீர்மட்டம் நேற்று முன்தினம் 65.15 அடியாக உயர்ந்தது. அது நேற்று மேலும் உயர்ந்து காலை 68.42 அடியாக இருந்தது. இது இரவு 70 அடியை எட்டியது. அதாவது அணையின் நீர்மட்டம் ஒரேநாளில் 5 அடி உயர்ந்துள்ளது.

இந்த நீர்வரத்தானது மேலும் அதிகரிக்குமானால் மேட்டூர் அணையின் நீர்மட்டமும் வேகமாக உயர வாய்ப்புள்ளது. அணையில் இருந்து குடிநீர் தேவைக்காக வினாடிக்கு 1,000 கனஅடி வீதம் தண்ணீர் திறந்து விடப்பட்டு வருகிறது.

இதற்கிடையில் பருவமழை தீவிரம் அடைந்துள்ளதால் மத்திய நீர்வள கமிஷன், தமிழகம் மற்றும் கர்நாடகத்தில் வெள்ளத்தால் அபாயம் ஏதும் ஏற்படாமல் இருக்க முன்னேற்பாடு நடவடிக்கைகளை மேற்கொள்ளுமாறு அறிவுறுத்தி உள்ளது.

மேட்டூர்:

கர்நாடக மாநிலத்தில் காவிரி நீர்பிடிப்பு பகுதிகளிலும், கேரள மாநிலம் வயநாடு பகுதியில் பெய்து வரும் தொடர்மழை காரணமாக அங்குள்ள கபினி மற்றும் கிருஷ்ணராஜசாகர் அணைகள் வேகமாக நிரம்பி வருகின்றன.

தொடர்ந்து நீர்வரத்து அதிகரித்ததால் கபினி அணை தனது முழு கொள்ளளவை எட்டியது. கிருஷ்ணராஜசாகர் அணை நீர்மட்டம் 109 அடியை எட்டியுள்ளது. அணை நிரம்ப 15 அடியே தேவைப்படுகிறது. 2 அணைகளும் வேகமாக நிரம்பி வருவதால் அந்த அணையிலிருந்து காவிரி ஆற்றில் தண்ணீர் திறந்து விடப்பட்டுள்ளது.

கபினி அணையில் இருந்து கடந்த 28-ந் தேதி 25 ஆயிரம் கனஅடி தண்ணீர் காவிரி ஆற்றில் திறந்து விடப்பட்டது. இந்த தண்ணீர் நேற்று முன்தினம் தமிழக, கர்நாடக எல்லைப்பகுதியான பிலிகுண்டுலு வழியாக ஒகேனக்கல் வந்தடைந்தது.

இதனால் ஒகேனக்கல் ஐந்தருவி, மெயின் அருவி, சினிபால்ஸ் அருவிகளில் தண்ணீர் ஆர்ப்பரித்து கொட்டுகிறது. நீர்வரத்து தொடர்ந்து அதிகரித்ததால், சுற்றுலா பயணிகளின் பாதுகாப்பு கருதி மெயின் அருவிக்கு செல்லும் நுழைவுவாயில் பூட்டப்பட்டது.

மேலும் அருவிகளில் குளிக்கவும், பரிசலில் பயணம் செய்யவும் தடை விதிக்கப்பட்டது. இந்த தடை நேற்று 2-வது நாளாக நீடித்தது. காவிரி ஆற்றில் வரும் நீர்வரத்தை பிலிகுண்டுலுவில் நீர்பாசனத்துறை அதிகாரிகள் தொடர்ந்து கண்காணித்து வருகின்றனர்.

கபினி அணையில் இருந்து திறந்து விடப்பட்ட தண்ணீர் ஒகேனக்கல் வழியாக நேராக மேட்டூர் அணைக்கு நேற்று முன்தினம் வந்து சேர்ந்தது. இதன் காரணமாக மேட்டூர் அணை நீர்மட்டம் உயரத்தொடங்கி உள்ளது.

நேற்று முன்தினம் 1,414 கனஅடியாக இருந்த நீர்வரத்து நேற்று காலை 10 ஆயிரத்து 383 கனஅடியாகவும், பகல் 12 மணிக்கு 15 ஆயிரம் கனஅடியாகவும், மாலை 4 மணிக்கு 18 ஆயிரம் கன அடியாகவும் அதிகரித்தது. இன்று காலை 18 ஆயிரத்து 184 கனஅடி தண்ணீர் வந்து கொண்டிருக்கிறது.

இதனால் நேற்று முன்தினம் 57.11 அடியாக இருந்த நீர்மட்டம் நேற்று காலை 58.23 அடியாக உயர்ந்தது. அணை நீர்மட்டம் 60.3 அடியாக உயர்ந்து உள்ளது. கடந்த 2 நாட்களில் அணை நீர்மட்டம் 3 அடி உயர்ந்து உள்ளது குறிப்பிடத்தக்கது. அணையில் இருந்து குடிநீர் தேவைக்காக 1000 கனஅடிவீதம் தண்ணீர் திறந்து விடப்படுகிறது.

இந்த நிலையில் கர்நாடகா மற்றும் கேரளாவில் மழை குறைந்ததால் கபினி மற்றும் கிருஷ்ணராஜசாகர் அணைக்கு வரும் நீர்வரத்து வெகுவாக குறைந்துவிட்டது. கபினி அணைக்கு நேற்று 7 ஆயிரம் கனஅடி தண்ணீர் வந்து கொண்டிருந்தது. இன்று 5 ஆயிரத்து 400 கனஅடி தண்ணீர் வந்து கொண்டிருக்கிறது.

இதனால் கபினி அணையில் நீர்திறப்பு குறைக்கப்பட்டு, 5 ஆயிரம் கனஅடி தண்ணீர் திறந்து விடப்படுகிறது. இதன் காரணமாக காவிரி ஆற்றில் நீர்வரத்து குறையத் தொடங்கி உள்ளது. ஒகேனக்கல்லுக்கு நேற்று காலை 17 ஆயிரம் கனஅடி தண்ணீர் வந்தது. இன்று காலை இது 10 ஆயிரம் கனஅடியாக குறைந்தது.

இன்று மாலை முதல் மேட்டூர் அணைக்கு வரும் நீர்வரத்தும் குறைவதற்கான வாய்ப்புகள் உள்ளன. இதனால் வேகமாக உயர்ந்த நீர்மட்டம் மெல்ல மெல்ல உயர்வதற்கான சூழ்நிலை உருவாகி இருக்கிறது.

சேலம்:

தென்மேற்கு பருவ மழை தீவிரம் அடைந்துள்ளதால் கேரள மாநிலம் வயநாடு பகுதியில் கடந்த 3 நாட்களாக மீண்டும் கன மழை பெய்து வருகிறது.

இதனால் கேரளாவில் இருந்து கர்நாடகாவுக்கு வரும் கபினி ஆற்றில் வெள்ளப்பெருக்கு ஏற்பட்டுள்ளதால் மைசூரு மாவட்டத்தில் கபினி ஆற்றின் இடையே அமைந்துள்ள கபினி அணைக்கு நீர்வரத்து அதிகரித்துள்ளது.

கபினி அணைக்கு நேற்று காலை 21 ஆயிரத்து 353 கன அடி தண்ணீர் வந்தது. அணையின் நீர்மட்டம் 82.23 அடியாக இருந்தது. கேரளாவில் மழை தொடர்வதால் இன்னும் ஓரிரு நாட்களில் அணை முழு கொள்ளளவை எட்டும் என எதிர்பார்க்கப்படுகிறது. அணையில் இருந்து 20 ஆயிரத்து 83 கன அடி தண்ணீர் நேற்று திறந்து விடப்பட்டது.

இதே போல கர்நாடகாவில் குடகு மாவட்டத்தில் கடந்த சில நாட்களாக மழை தீவிரம் அடைந்துள்ளது. இதனால் மாண்டியா மாவட்டத்தில் காவிரி ஆற்றின் குறுக்கே அமைந்துள்ள கிருஷ்ணராஜசாகர் அணைக்கு நீர்வரத்து அதிகரித்துள்ளது.

நேற்று நீர்வரத்து 10 ஆயிரத்து 168 கன அடியாக இருந்தது. அணையின் நீர்மட்டம் 106.5 அடியாக இருந்ததால் அணையில் இருந்து நேற்று காலை 3482 கன அடி தண்ணீர் திறந்து விடப்பட்டது. கர்நாடகாவில் உள்ள 2 அணைகளிலும் இருந்து மொத்தம் நேற்று 25 ஆயிரத்து 500 கன அடி தண்ணீர் திறந்து விடப்பட்டதால் காவிரி ஆற்றில் வெள்ளப்பெருக்கு ஏற்பட்டுள்ளது.

இந்த தண்ணீர் நேராக தமிழகத்தை நோக்கி வருகிறது. ஒகேனக்கல் காவிரி ஆற்றை கடந்து இன்று இரவு மேட்டூர் அணைக்கு வந்து சேரும் என்று எதிர்பார்க்கப்படுகிறது. இதனால் இனி வரும் நாட்களில் மேட்டூர் அணை நீர்மட்டம் மேலும் வேகமாக உயரமாக வாய்ப்புள்ளது.

ஒகேனக்கல் காவிரி ஆற்றில் நேற்று 1300 கன அடியாக இருந்த நீர்வரத்து இன்று 800 கன அடியாக குறைந்தது. அணையில் மெயின் அருவி உள்பட அனைத்து அருவிகளிலும் தண்ணீர் கொட்டுகிறது. சனிக்கிழமை என்பதால் இன்று காலை முதலே ஏராளமான சுற்றுலா பயணிகள் அங்கு குவிந்திருந்தனர். அவர்கள் அருவியில் ஆனந்தமாக குளித்து மகிழ்ந்தனர்.

ஒகேனக்கல் காவிரி ஆற்றில் வரும் தண்ணீர் நேராக மேட்டூர் அணைக்கு வருகிறது. நேற்று 1553 கன அடியாக இருந்த நீர்வரத்து இன்று 1414 கன அடியாக குறைந்தது. அணையில் இருந்து குடிநீர் தேவைக்காக காவிரி ஆற்றில் 500 கன அடி தண்ணீர் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று நேற்று 57.02 அடியாக இருந்த அணையின் நீர்மட்டம் இன்று 57.11 அடியாக உயர்ந்தது.

கர்நாடக அணைகளில் இருந்து திறந்து விடப்பட்ட தண்ணீர் இன்று இரவு முதல் மேட்டூருக்கு மீண்டும் வரும் என்பதால் மேட்டூர் அணை நீர்மட்டம் இனிவரும் நாட்களில் வேகமாக உயர வாய்ப்புள்ளதால் விவசாயிகள் மகிழ்ச்சி அடைந்துள்ளனர்.

சேலம்:

கர்நாடகாவில் உள்ள கபினி அணையின் நீர்பிடிப்பு பகுதிகளில் கடந்த வாரம் மழை பெய்ததால் அந்த அணைக்கு நீர்வரத்து அதிகரித்தது. இதையடுத்து அந்த அணையில் இருந்து காவிரி ஆற்றில் தமிழகத்திற்கு 25 ஆயிரம் கன அடி தண்ணீர் திறக்கப்பட்டது.

இந்த தண்ணீர் மேட்டூர் அணைக்கு வந்ததால் மேட்டூர் அணை நீர்மட்டம் வேகமாக உயர்ந்தது. பின்னர் கேரள மாநிலம் வயநாடு பகுதியில் மழை குறைந்ததால் கபினி அணையில் இருந்து திறக்கப்பட்ட தண்ணீர் 500 கன அடியாக குறைக்கப்பட்டது.

இந்த நிலையில் கபினி அணையின் நீர்பிடிப்பு பகுதிகளான கேரள மாநிலம் வயநாடு பகுதியில் நேற்று காலை முதல் மீண்டும் கன மழை பெய்து வருகிறது. இதனால் கபினி அணைக்கு நீர்வரத்து படிப்படியாக அதிகரித்தது. இன்று காலை அணைக்கு 12 ஆயிரம் கன அடி தண்ணீர் வந்து கொண்டிருக்கிறது.

84 அடி உச்ச நீர்மட்டம் கொண்ட கபினி அணையின் நீர்மட்டம் இன்று காலை 82.35 அடியாக இருந்தது. இதனால் அணையின் பாதுகாப்பு கருதி 15 ஆயிரம் கன அடி தண்ணீர் காவிரி ஆற்றில் தமிழகத்திற்கு திறந்து விடப்பட்டுள்ளது.

இந்த தண்ணீர் 2 நாட்களில் மேட்டூர் அணைக்கு வந்து சேரும் என்பதால் மீண்டும் மேட்டூர் அணையின் நீர்மட்டம் மேலும் வேகமாக உயர வாய்ப்புள்ளது. மேட்டூர் அணைக்கு இன்று காலை நீர்வரத்து 3,272 கன அடியாக இருந்தது.

அணையில் இருந்து குடிநீர் தேவைக்காக காவிரி ஆற்றில் 500 கன அடி தண்ணீர் திறந்து விடப்பட்டுள்ளது. அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது.

நேற்று 56.59 அடியாக இருந்த மேட்டூர் அணையின் நீர்மட்டம் இன்று மேலும் உயர்ந்து 56.91 அடியாக உயர்ந்தது.

ஒகேனக்கல் காவிரி ஆற்றில் நேற்று 3500 கன அடியாக இருந்த நீர்வரத்து இன்று மேலும் சரிந்து 1800 கன அடியாக இருந்தது. நீர்வரத்து குறைந்தாலும் அங்குள்ள அருவிகளில் தண்ணீர் கொட்டுகிறது. இதில் சுற்றுலா பயணிகள் ஆனந்தமாக குளித்து வருகிறார்கள்.

மேட்டூர்:

கபினி அணையின் நிர்பிடிப்பு பகுதிகளான கேரள மாநிலம் வயநாடு பகுதியில் கடந்த சில நாட்களாக பரவலாக மழை பெய்தது.

இதனால் அணைக்கு நீர்வரத்து அதிகரித்ததால் படிப்படியாக நீர்மட்டம் உயர்ந்தது. 84 அடி உச்ச நீர்மட்டம் கொண்ட கபினி அணையின் நீர்மட்டம் 81 அடியை தாண்டியது.

கடந்த 5 நாட்களுக்கு முன்பு 25 ஆயிரம் கன அடி தண்ணீர் காவிரி ஆற்றில் திறந்து விடப்பட்டது. இந்த தண்ணீர் 23-ந் தேதி மதியம் மேட்டூர் அணைக்கு வந்து சேர்ந்தது.

23-ந் தேதி காலையில் 1,299 கன அடியாக இருந்த நீர்வரத்து மாலையில் 15 ஆயிரம் கன அடியாக அதிகரித்தது. நேற்று நீர்வரத்து மேலும் அதிகரித்து 18 ஆயிரத்து 428 கன அடியாக இருந்தது. இதனால் மேட்டூர் அணையின் நீர்மட்டம் கிடுகிடுவென உயர்ந்தது.

இதற்கிடையே கபினி அணை நீர்பிடிப்பு பகுதியில் மழை குறைந்ததால் அணைக்கு நீர்வரத்து குறைந்தது. அணையில் இருந்து நீர்திறப்பு படிப்படியாக குறைக்கப்பட்டு நேற்று 5 ஆயிரம் கன அடியாக குறைக்கப்பட்டது.

கபினி அணையின் நீர்மட்டம் இன்று காலை 81 அடியாக இருந்தது. அணைக்கு 2440 கன அடி தண்ணீர் வந்து கொண்டிருக்கிறது. அணையில் இருந்து காவிரியில் ஆற்றில் திறந்து விடப்பட்ட தண்ணீர் இன்று காலை முதல் முற்றிலும் நிறுத்தப்பட்டது.

124.8 அடி உச்ச நீர்மட்டம் கொண்ட கிருஷ்ண ராஜசாகர் அணையின் நீர்மட்டம் இன்று காலை 105.35 அடி யாக இருந்தது. அணைக்கு 5715 கன அடி தண்ணீர் வந்து கொண்டிருக்கிறது. அணையில் இருந்து கர்நாடக பாசன தேவைக்காக 3464 கன அடி தண்ணீர் திறந்து விடப்பட்டு வருகிறது.

கர்நாடக அணைகளில் இருந்து தமிழகத்திற்கு காவிரி ஆற்றில் திறந்து விடப்பட்ட தண்ணீர் முற்றிலும் நிறுத்தப்பட்டுள்ளதால் ஒகேனக்கல் மற்றும் மேட்டூர் அணைக்கு நீர்வரத்து மீண்டும் சரிய தொடங்கி உள்ளது. இனி வரும் நாட்களில் நீர்வரத்து மேலும் படிப்படியாக சரிய வாய்ப்புள்ளது.

ஒகேனக்கல் காவிரி ஆற்றில் நேற்று 16 ஆயிரம் கன அடியாக இருந்த நீர்வரத்து இன்று 11 ஆயிரம் கன அடியாக குறைந்தது. ஒகேனக்கலில் மெயின் அருவி உள்பட அனைத்து அருவிகளிலும் தண்ணீர் ஆர்ப்பரித்து கொட்டுகிறது. சுற்றுலா பயணிகள் ஆனந்தமாக குளித்து மகிழ்வதுடன் உற்சாகமாக படகு சவாரியும் சென்றனர்.

ஒகேனக்கல் காவிரி ஆற்றில் வரும் தண்ணீர் நேராக மேட்டூர் அணைக்கு வருகிறது. இன்று காலை மேட்டூர் அணைக்கு 13 ஆயிரத்து 694 கன அடி தண்ணீர் வந்து கொண்டிருக்கிறது. மேட்டூர் அணையில் இருந்து குடி நீர் தேவைக்காக காவிரி ஆற்றில் 500 கன அடி தண்ணீர் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து வரும் குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று 53.04 அடியாக இருந்த மேட்டூர் அணையின் நீர்மட்டம் இன்று காலை 54.71 கன அடியாக இருந்தது. பிற்பகல் 55 அடியை தாண்டும் என எதிர்பார்க்கப்படுகிறது.

சேலம்:

கேரள மாநிலம் வயநாடு பகுதியில் கடந்த வாரம் பெய்த மழையால் கர்நாடகாவில் உள்ள கபினி அணைத்து நீர்வரத்து படிப்படியாக அதிகரித்தது.

84 அடி உச்ச நீர்மட்டம் கொண்ட கபினி அணை முழு கொள்ளளவை நெருங்கியதால் அணையில் இருந்து பாகாப்பு கருதி 35 ஆயிரம் கன அடி தண்ணீர் காவிரி ஆற்றில் தமிழகத்திற்கு திறந்து விடப்பட்டது.

இந்த தண்ணீர் நேராக மேட்டூர் அணைக்கு வந்ததால் அணையின் நீர்மட்டம் கிடுகிடுவென உயர்ந்தது. இதற்கிடையே கேரளாவில் மழை குறைந்து கபினி அணைக்கு நீர்வரத்து குறைந்ததால் அணையில் இருந்து தண்ணீர் திறப்பு 500 கன அடியாக குறைக்கப்பட்டது.

கேரளாவில் வயநாடு பகுதியில் கடந்த 4 நாட்களாக மீண்டும் மழை பெய்து வருவதால் கபினி அணைக்கு நீர்வரத்து அதிகரித்தது. இதையடுத்து அணையின் பாதுகாப்பு கருதி 20-ந் தேதி அணையில் இருந்து 15 ஆயிரம் கன அடி தண்ணீர் திறக்கப்பட்ட நிலையில் 21-ந் தேதி தண்ணீர் திறப்பு 25 ஆயிரம் கன அடியாக அதிகரிக்கப்பட்டது.

பின்னர் நேற்று காலை முதல் 15 ஆயிரம் கன அடி தண்ணீர் காவிரி ஆற்றில் திறந்து விடப்பட்டுள்ளது. அணைக்கு 13 ஆயிரத்து 758 கன அடி தண்ணீர் வந்து கொண்டிருக்கிறது. 84 அடி உச்ச நீர்மட்டம் கொண்ட கபினி அணையின் நீர்மட்டம் இன்று காலை 80.8 அடியாக இருந்தது.

124.8 அடி உச்ச நீர்மட்டம் கொண்ட கிருஷ்ணராஜசாகர் அணையின் நீர்மட்டம் இன்று காலை 105 அடியாக இருந்தது. அணைக்கு 8 ஆயிரத்து 206 கன அடி தண்ணீர் வந்து கொண்டிருக்கிறது. அணையில் இருந்து 2961 கன அடி தண்ணீர் வெளியேற்றப்பட்டு வருகிறது.

கபினி மற்றும் கிருஷ்ணராஜசாகர் அணைகளில் இருந்து கூடுதலாக திறக்கப்பட்ட தண்ணீர் தமிழக-கர்நாடக எல்லையான பிலிகுண்டுலுவை கடந்து நேற்றிரவு ஒகேனக்கலுக்கு வந்தடைந்தது.

இதனால் ஒகேனக்கலில் மெயின் அருவி, ஐந்தருவி உள்பட அனைத்து அருவிகளிலும் தண்ணீர் ஆர்ப்பரித்து கொட்டுகிறது. சனிக்கிழமையான இன்று விடுமுறை என்பதால் காலை முதலே ஒகேனக்கலில் அதிக அளவில் சுற்றுலா பயணிகள் குவிந்திருந்தனர். குளிக்க தடை விதிக்கப்பட்டிருந்ததால் சுற்றுலா பயணிகள் ஏமாற்றம் அடைந்தனர். தண்ணீர் வரத்து அதிகரித்ததால் காவிரி கரையில் நின்று சுற்றுலா பயணிகள் வேடிக்கை பார்த்தனர்.

காவிரி ஆற்றில் வரும் தண்ணீரை தமிழக எல்லையான பிலிகுண்டுலுவில் பொதுப்பணித்துறை அதிகாரிகள் 24 மணி நேரமும் கண்காணித்து அளவிட்டு வருகிறார்கள்.

ஒகேனக்கல் காவிரி ஆற்றில் வரும் தண்ணீர் நேராக மேட்டூர் அணைக்கு வந்து கொண்டிருக்கிறது. இன்று பிற்பகல் அந்த தண்ணீர் மேட்டூர் அணைக்கு வந்து சேரும் என்பதால் மேட்டூர் அணை நீர்மட்டம் மேலும் வேகமாக உயர வாய்ப்புள்ளது.

மேட்டூர் அணைக்கு நேற்று 2 ஆயிரத்து 618 கன அடியாக இருந்த நீர்வரத்து இன்று மேலும் சரிந்து 1299 கன அடியாக குறைந்தது. அணையில் இருந்து குடிநீர் தேவைக்காக 500 கன அடி தண்ணீர் காவிரி ஆற்றில் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று 50.59 அடியாக இருந்த நீர்மட்டம் இன்று மேலும் உயர்ந்து 50.68 அடியாக உயர்ந்தது.

கபினி மற்றும் கிருஷ்ணராஜசாகர் அணைகளில் இருந்து திறக்கப்பட்ட தண்ணீர் இன்று பிற்பகல் முதல் மீண்டும் மேட்டூர் அணைக்கு வரும் என்பதால் அணை நீர்மட்டம் இனி வரும் நாட்களில் மேலும் வேகமாக உயர வாய்ப்புள்ளது. இதனால் விவசாயிகள் மகிழ்ச்சி அடைந்துள்ளனர். #Metturdam #Cauvery